حواديـــــــــــــــــــــت الســــــــــــــــــــطور
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

حواديـــــــــــــــــــــت الســــــــــــــــــــطور

انسان فقط انسان .قالت له : حبيبي من انت .!!قال لها : انا انسان .قالت له : صِف نفسك ..قال لها: أنا انسان ..أعيش هذا الزمان ..أعيشه بفرحه والاحزان
 
الرئيسيةالبوابةمكتبة الصوربحـثالتسجيلدخول
بسم الله الرحمن الرحيم لا إله إلا الله الملك الحقالمبين،لا إله إلا الله العدل اليقين،لا إله إلا الله ربنا ورب آبائنا الأولين،سبحانك إني كنت من الظالمين،لا إله إلا الله وحده لا شريك له،له الملك وله الحمد يُحيي ويُميت وهو حي لا يموت، بيده الخير وإليه المصير، وهو على كل شيء قدير.لا إله إلا الله إقراراً بربوبيته،سبحان الله خضوعاً لعظمته،اللهمَّ يا نور السماوات والأرض، يا عماد السماوات الأرض، يا جبار السماوات والأرض، يا ديان السماوات والأرض، يا وارث السماوات والأرض، يا مالك السماوات والأرض، يا عظيم السماوات والأرض، يا عالم السماوات والأرض، يا قيوم السماوات والأرض، يا رحمن الدنيا ورحيم الآخرة اللهمَّ إني أسألك، أن لك الحمد، لا إله إلا أنت الحنان المنان، بديع السماوات والأرض، ذو الجلال والإكرام، برحمتك يا أرحم الراحمين بسم الله أصبحنا وأمسينا، أشهد أن لا إله إلا الله وأن محمد رسول الله، وأن الجنة حق، والنار حق، وأن الساعة آتية لا ريب فيها، وأن الله يبعث من في القبور.الحمد لله الذي لا يُرجى إلا فضله، ولا رازق غيره الله أكبر ليس كمثله شيء في الأرض ولا في السماء وهو السميع البصير اللهمَّ إني أسألك في صلاتي ودعائي بركة تُطهر بها قلبي، وتكشف بها كربي، وتغفر بها ذنبي، وتُصلح بها أمري، وتُغني بها فقري، وتُذهب بها شري، وتكشف بها همي وغمي، وتشفي بها سقمي، وتقضي بها ديني، وتجلو بها حزني، وتجمع بها شملي، وتُبيّض بها وجهي يا أرحم الراحمين اللهمَّ إليك مددتُ يدي، وفيما عندك عظمت رغبتي، فأقبل توبتي، وأرحم ضعف قوتي، وأغفر خطيئتي، وأقبل معذرتي، وأجعل لي من كل خير نصيباً، وإلى كل خير سبيلاً برحمتك يا أرحم الراحمين اللهمَّ لا هاديَ لمن أضللت، ولا معطيَ لما منعت، ولا مانع لما أعطيت، ولا باسط لما قبضت، ولا مقدم لما أخرت، ولا مؤخر لما قدمت.اللهمّ َ أنت الحليم فلا تعجل، وأنت الجواد فلا تبخل، وأنت العزيز فلا تذل، وأنت المنيع فلا تُرام، وأنت المجير فلا تُضام ، وأنت على كل شيء قدير اللهمَّ لا تحرم سعة رحمتك، وسبوغ نعمتك، وشمول عافيتك، وجزيل عطائك، ولا تمنع عني مواهبك لسوء ما عندي، ولا تُجازني بقبيح عملي، ولا تصرف وجهك الكريم عني برحمتك يا أرحم الراحمين اللهمَّ لا تحرمني وأنا أدعوك... ولا تخيبني وأنا أرجوك اللهمَّ إني أسألك يا فارج الهم، ويا كاشف الغم، يا مجيب دعوة المضطرين، يا رحمن الدنيا، يا رحيم الآخرة، أرحمني برحمتك اللهمَّ لكَ أسلمتُ، وبكَ آمنتُ، وعليكَ توكلتُ، وبكَ خاصمتُ وإليكَ حاكمتُ، فاغفر لي ما قدمتُ وما أخرتُ، وما أسررتُ وما أعلنتُ، وأنتَ المقدم وأنتَ المؤخر. لا إله إلا أنت الأول والأخر والظاهر والباطن، عليكَ توكلتُ، وأنتَ رب العرش العظيم اللهمَّ آتِ نفسي تقواها، وزكها يا خير من زكاها، أنت وليها ومولاها يا رب العالمين اللهمَّ إني أسألك مسألة البائس الفقير ـ وأدعوك دعاء المفتقر الذليل، لا تجعلني بدعائك ربي شقياً، وكن بي رؤفاً رحيماً يا خير المئولين، يا أكرم المعطين، يا رب العالمين اللهمَّ رب جبريل وميكائيل واسرافيل وعزرائيل، اعصمني من فتن الدنيا ووفقني لما تُحب وترضى، وثبتني بالقول الثابت في الحياة الدنيا وفي الآخرة ـ ولا تضلني بعد أن هديتني وكن لي عوناً ومعيناً، وحافظاً و ناصراً. آمين يا رب العالمين اللهمَّ أستر عورتي وأقبل عثرتي، وأحفظني من بين يديَّ ومن خلفي، وعن يميني وعن شمالي، ومن فوقي ومن تحتي، ولا تجعلني من الغافلين اللهمَّ إني أسألكَ الصبر عند القضاء، ومنازل الشهداء، وعيش السعداء، والنصر على الأعداء، ومرافقة الأنبياء، يا رب العالمين. آمين يا أرحم الراحمين أرجو من كل من يقرأ هذا الدعاء أن يُبلغه عنا ولو لواحد فقط، ووالله إن الله لا يُضيع أجر المحسنين وسيكون هذا الدعاء بإذن الله حجة لنا يوم القيامة لا حجة علينا بإذن الله تعالى أسأل الله أن يوفقنا لما يُحبه ويرضاه، وجزاكم الله كل خير اللهم ارحم موتنا وارحم موتى المسلمين الهم اغفر لي ولوالدي ولاخواني واخواتي جميعا اللهم اهدي كل ضال عن سبيلك اللهم اشفي مرضانا ومرضى المسلمين لا تنسوني من دعائكم
http://sunmoon.ahlamontada.com/h4-pag
google-site-verification: google75bce87a142b7ec8.htm

شاطر | 
 

 خليكى نضيفة والنضافه بتشع من بيتك بحاجات صغيرة جدا. ومفيش حشرات نهائى وئومة جتلكم هنا

اذهب الى الأسفل 
كاتب الموضوعرسالة
أبراهيم موسى
صاحب المنتدى
صاحب المنتدى
avatar


الدولة : مصر
أوسمتى :

ذكر
العذراء
عدد المساهمات : 151
نقاط : 1811
الأنجاز : 11
تاريخ التسجيل : 18/12/2014
العمر : 52
العمل/الترفيه : على المعاش

بطاقة الشخصية
الوطن الوطن:
smsللمنتدى:
رقم العضوية:

مُساهمةموضوع: خليكى نضيفة والنضافه بتشع من بيتك بحاجات صغيرة جدا. ومفيش حشرات نهائى وئومة جتلكم هنا   الخميس يناير 08, 2015 1:27 pm




انا الصراحة حبيت انضم معاكم فى القسم الرائع ده قسم تنظيم وتنظيف البيت 
لانى الحمد لله بحب نضافة بيتى اوووى ربى يديمه عليه يارب 
ويديم جوزى عليا ويخلهولى وربى يرزقنى واملاه بالذرية الصالحة السليمة المعافاة ان شاء الله 
والحمد لله بيتى نضيف ومرتب على طووووووووول
وبشهادة حماتى كمان  
وعلى طوووووووووووووووول لما تكلم ابنها تقوله مراتك ونضافتها 


واليومين دول عاملة حملة تنفيض للبيت 
وبنفض المطبخ ابتديته امبارح حبقى انزلكم خطة تنفيض المطبخ بعد كده ان شاء الله 
بس الموضوع ده مهم بالنسبة ليااااااااااااااااااا اوووووووووووووووووووووووى وتاخدوا بالكم منه جدااااااااااااااااااااااااااااااااااااااااااااااا 
لانه مهم وبيدل على نضافتك قد ايه من حاجات صغيرة جدااااااااااااااااااااااااااااااااااااااااااااا 
وخاصة لو فى بيت عيلة انتى زى حالاتى وغير كده كمان الموضوع ده بيحارب وبيقاوم 
الحشرااااااااااااااااااااااااااااااات ياللى بتتعبى من الحشرات ومش عارفة تقضى عليهم ازاى 

الصراحة اتمنى اكون ضيفة خفيفة عليكم فالقسم هنا وتستفادوا من مواضيعى اللى فالقسم هنا وده الصراحة تانى مووضوع اكتبه 
فالقسم لانى الموضوع السابق كان من سنه تقريبا او اكتر مش فاكرة اللى اللى فاكراه انه من فترة طويلة 
لانى حبيت اشاركم فالموضوعات واكتب موضوعات عن النضافة والتنظيم والترتيب وكل جزء فالبيت بيتنضف ازاى 
ومش حنسى طبعا مشكلتنا الكبيرة وهى المواعين غير حاجات كتيييييييييييير ناوية انزلهلكم ان شاء الله بعد كده


يالا ندخل بقى فالموضوع 
حاجات صغيرة حبايبى بتبين الست النضيف من الست ال معفنه  
وهى الحاجات دى لو عملتيها اول باول وضيف جالك او حماتك طالعت ليكى حيبان انك نضيفة وزى الفل 
ومفييييييييييييييييييش حشرات حتعرف طريق بيتك 
وتاخدى شهادة الايزو من حماتك وفى نضافة بيتك وترتيبه زى ما انا على طول واخدها الحمد لله  
وانتم عارفين الحموات لا عجبهم العجب ولاالصيام فرجب 

معلش انا عارفة رغيييييييييييت كتيييييييييييييييييييييييير بس اصلا الحاجات الصغيرة دى بتضايقنى جدا 
وتستفزنى اساساااااااااااااااااااااااااااااااااااااااااااااا ا  ولو روحت اى بيت باخد بالى من الحاجات دى وعلى اساسها 
اكل واشرب فالبيت ده ولا لا؟ تخيلوا 

يا ترى الحاجات دى ايييييييييييييييييييييه؟ 


1- نضافة بيتك بيبان من عنوانك وهو باب الشقة 

فى ناس بيبقى باب شقتهم كله تراب وتقولى الشقه دى اهلها مسافرين او مهاجرين ويبقوا هما جوه الشقه تخيلوا 

لازم مرة فالاسبوع تنضفى باب الشقة من برة ومن جوة وتشيلى التراب عليه وتلمعيه بالبليدج او بالجاز او 
بالخلطة دى( زيت زيتون او زيت ذرة + خل ابيض + اى زيت عطرى ) والخلطة دى لتلميع الخشب 
ومتنسيش لو انتى فى بيت عيلة زى حالاتى 
تنضفى البسطة بالسلالم بتاعتك وتسيئيها البسطة بتاعتك + البسطة بين الدور اللى تحت واللى فوقك لو فى دور فوقك 
ومتنسيش السلالم بتاعتهم 
تكنسى الاول التراب وتلميه وبعد كده تسيئى عادى ولو بتضعى حاجة فالميه وتسيئى بيها يبقى افضل 
وكل لما تيجى تكنسى بالمكنسه ام كهربا الصاله تشفطى ادام باب الشقة عالسريع 
ومتنسيش فالنهاية ترشى اى حاجة للحشرات حوالين باب شقتك 
ومتنسيش تبقى تكنسى المشايه اللى قدام باب الشقة وتغسليها كل فترة انا لسه اول امبارح نقعتها وفالبانيو وغسلتها كويس ومنشراها

2- الصفاية الاطباق اللى بتبقى جمب الحوض 
 


للاسف بلاقى ناس 
عندها الصفايه دى من كتر ما مش بينضفوها فيها عفانه تخيلوا وخاصة فالمكان اللى بيوضع فى الملاعق 
لازم تتغسل مرة فالاسبوع بالليفة والسلكة وفرشة الاسنان للاماكن اللى ايدك والليفة مش يقدروا ينضفوها وكويس ولازم لما تخلصى 
تنشفيها كويس وتسبيها تتهوى شوية 
وكل يوم بعد ما بتخلصى مواعين بليل لازم تنامى ومطبخك زى الفل تمسكى المصفاة توقفيها عالحيطة وتمسحى تحتها وتنشفى كويس 
وتلمعى وتنشفى المصفة كمان 

3- البوليعه 
للاسف بلاقى ناس عندها البوليعة اجاركم االله  
البوليعه لازم تتنضف وتشلى البواقى الى فمصفة البوليعه وتدعكيها كويس بالليفة وفرشة السنان 
وخاصة لو استانلس ولما تخلصيها ترشيها وتقفليها ولو قرفانه البسى جونتى 

4- باسكت الزبالة 
فى ناس بلاقى عندهم باسكت الزبالة شكله ولا بتاع الشوارع والله 
لازم يتغسل كل يوم فى اخر اليوم بالميه المغليه والكلور والديتول وتسبيه فالبلكونه ينشف وتستخدميه تانى يوم 
فى فكرة حلوة اخدتها من النت انا كان عندى الزبالة بطلعها يوميا بس ساعات كانت بتبقى ليها ريحة وحشة للباسكت وبتنزل مايه 
عملت الفكرة دى وريحتنى جدا ولا فى ريحة وحشة للباسكت ولا ميه ولا يحزنون 
بضعى فالباسكت كيس ووفى قعر الباسكت ورقة جرنان بطبقها على قد الباسكت بتاعى وبرش فوقها ملعقة صغيرة من الكربوناتو 
( كربونات الصوديم) وبرمى الزباله فيها عادى جدا 
ولازم فى اخر اليوم تطلعى الزباله بره الشقة وترميها تانى يوم او تديها لجوزك يرميها 
وساسلام لو حطيتى 2 كيس لبستيهم لباسكت الزبالة وعملتى موضوع ورق الجرنان ده والكربوناتو ولما تيجى ترمى الكيس 
الاول حيبق عندك الكيس التانى حيسهل عليكى كتير حتضعى فى بس ورقة جرنان وترشى عليه شوية كربوناتو 


5- قعر التواليت وحوافه 
للاسف بلاقى ناس عندها التواليت وقعره علية تكليسات رهيبة ولا المبولة اقسم بالله 
غير ريحة الحمام البشعه 
وبشهادة حماتى بتقولى انتى حمامك على طوووول مستعد كده للضيوف 
وبعد كده حقول موضوع عن تنضبف الحمام ازاى باذن الله بس دلوقتى خلينا فالمهم 

لازم الحمام يتعمل يوميا وخاصة التواليت ترشى فالتواليت هيرباك او او مستر ماسل 



ولازم لما تيجى تدعكى الحمام مرة فالاسبوع تدعكى كويس قعرالتواليت بحوافه 
ومتنسوش فى مكان فى التواليت الى بيبقى فالقعدة من ضهرها لازم يتغسل ويدعك بأى فرشة سنان 
وحوافه 
وبعد كده حعمل ملف عن تنضيف الحمام اليومى والاسبوعى والشهرى باذن الله 

6- المكنسة العادية 
لو جيتى فى يوم استخدمتيها لازم تغسل لما تخلصى وتسبيها تنشف فالبلكونة بعد ما تتصفى فالبانيو 

7- الجروف 
بلاقى ناس جروفها استغفر الله العظيم لازم بعد ما تخلصى استخدامه تغسليه كويس وتسبيه ينشف 

8- المكنسه ام كهربا دى طبعا ايدينا ورجلينا فالبيت لازم تتمسح وكيسها يتغسل كل فترة بعد كده حعملكم موضوع 
عن المكنسه اام كهربا باذن الله 
ودى شهادة حماتى للمكنسة ام كهربا بتاعتى 
اول امبارح 
مسحت وغسلت المكنسه ام كهربا رجعتها جديدة تانى الحمد لله لانى فكيت كل جزء فيها 
وغسلت الكيس بتاعها كمان بالكلور نقعته شوية ونزلت مقولكيش بلاوى والله باضحك وبعد كده شطفتها ونقعت الكيس المكنسه
فى شوية رابسو وبس الاول كنست الكيس بفرشة البلاط فالبانيو 
وبعد ما نقعت كيس الكنسه فالرابسو شطفته ونقعته لمدة ساعتين فى شوية ديتول وداونى ومنشراه من امبارح 
مقولكيش الكيس بقى زى الفل الحمد لله وجديد بس مخليه المكنسه كلها وكل جزء فيها من امبارح فالبكونه والشمس والهوا 
عشان تنشف كويس 
اقسم بالله العظيم حماتى بتقولى انتى بجد ما شاء الله غليكى ويا بخت ابنى بيكى باضحك بتعرفى تعملى كل حاجة 
اصل امبارح كنت شوية عندها وهى بتنفض اوضه واحده من شقتها وكانت المروحة بتاعتهم كلها تراب 
قاتلى بصى انا مبعرفش افكها واغسلها تعرفى قولتلها اه يا ماما روحت فاكة مروحتهم وغاسلاها 
مصدقتش قالتلى دى رجعت تانى جديدة 
وروحت غاسله مروحتهم التانيه بردك عشان عايزة تشيلها حماتى المروحة التانيه 
مقولكوش فرحانه بيه اد ايه ولما قولتلها ع المكنسه ام كهربا قالتلى حطلع اشوفها الصراحة قولتلها اتفضلى يا ماما فى اى وقت ده 
البيت بيتك بس بينى وبين نفسى مستغربه عايزة تطلع تشوف المكنسه ليه ؟ ام كهربا
المهم طالعت معايا وشافت مكنسة ام كهربا بتاعتى كل اللى على لسانها انا مش مصدقة ان دى مكنسه ام الكهربا اللى ابنى دخل بيها 
اصلها كانت موجودة عنده من حوالى 5 سنين المكنسه دى وكان كلها تراب وانا مسحتها ليكى قبل ما ادهالك من بره كده 
وتبقى فى بيتك بس انتى نزلتى اشتريتى مكنسه جديدة قولتلها لا اولله هى دى المكنسه يا ماما 
الست نزلت مستغربه ومزبهله تخيلوا
اللى يهمنى فى كده حاجة واحده انها نزلت من عندى وهى بتدعيلى ولما غسلت مراوحها وشافتها انها بقت تدعيلى الحمد لله
ربى يتقبل دعاويها ودعاويكم ان شاء الله 


9- تحت الحوض 
فى ناس تحت الحوض عندها شكله فيه اشمئزاز جدااااااااااا وتلاقى فيه بواقى وحاجات بتتمشى فيه هههههههههههه 
( حشرات) وساعات يبقى مبلول من الحوض 

لازم مرة فالشهر تشيلى كل الحاجات اللى تحت الحوض تغسليها او تمسحيها وتسيئى تحت الحوض وتنشفيه كويس وتسبيه يتهوى شوية 
وترجعى الحاجة مكانها 

10- درفة الامبوبة 

لازم الامبوبه قبل ما تدخليها منعتبه الشقه ترشيها كويس اوووى من تحت وتسبيها شوية وبعدين تدخليها لان بيبقى فى قعر الامبوبه 
بيض صراصير صغير وياسلام لو حطيتى فى قعر الامبوبه عجينه الصراصير ومسحتى الامبوبه كلها بفوطة مبلولة ونشفتى الامبوبه كويس 
ودخلتيها يبقى كده بعدتى عن السبب وممكن يكون السبب الرئيسى للصراصير لان فى اسباب كتير للحشرات 

ولازم مرة فالشهر تطلعى الامبوة وتسيئى تحتها وتنشفى تسيبى الدرفة تتهوى وترجعيها مكانها 

11- نيجى عند حاجة مهمة جداااااااااااااااااااااااااااااااااااااااااااا وهى 
الفوط التنضيف الى بتنضفى بيها وتمسحى وتسيئى 
انا عن نفسى الحمد لله فوط التنضيف بتاعتى بعملها باحتراام جدااااااااااااااااااااااااااااااااا 
ومرة فالاسبوع او مرتين لازم تتغسل 
فالفول اتوماتيك مع كلوركس ورابسو وداونى او رابسو وخل ابيض وداونى 
فى ناس للاسف عندها فوط التنضيف اللى بتنضف بيها تقرفى تمسكيها اصلا وشكلها وحش جدااااااااااااااااااااااااااااااااااااا 
وخاصة لو لونها ابيض وفى ناس بتستخدم فوط التنضيف دى ملابس قديمه مثلا واتقطعت وخاصة الملابس الداخليه 
لجوزها او لابنها بيبقى المنظر والشكل مش حلو لما تشوفى خرقة بتنضف بيها وهى اندر لجوزها قديم كان 
مينفعش خالص فيها ايه لو سيتك قصتيه بطريقة حلوة وشيك عملتيها كانها حته للتنضيف بحيث ميبنش انه اندر لجوزك 
لازم بعد ما تستخدمى فوط التنضيف وبعد ما تخلصى نضافة تنقعيها فى شوية كلور ورابسو وتغسليها على ايدك كويس 
وبعدين تشطفيها وتنقعيها فى شوية داونى وديتول او ديتول فقط وتنشريها بحيث لما تيجى تستخدميها تانى تنبقى نضيفة وزى الفل 
ومرة او مرتين فالاسبوع تاخديها دورة فالغساله بتاعتك 
انا والله لما بنشر الفوط بتاعى فالمنشر بحب اتفرج عليها دى حتى جارتى اللى قصادى بتقولى الفوط ا دى فوط ايه؟؟ 
روحت قولتلها الفوط اللى بنضف بيها راحت قالتلى ااااااااااااااااااه اصلها الصراحة نضيفة اوى 
اصل عندى فوط التنضيف ملونة وفوطتين هما الابيض 

12- البلكونة بتاعتك 
فى ناس بلاقيهم منشرين فالبلكونة بس ارضيه البلكونة كلها ترااااااااااااااااااااااااااااااااااااااب 
بقول الست دى مش نضيفة 
لازم تعرفى ان البلكونة لما تنضفيها وتسيئيها هى اللى حتنضف ليكى الشقة من جوة 
لانها عاملة زى باب الشقة وتتكنس كل يوم ولو اخدتيها 3 او 4 مرات فلاسبوع و تسئيها يبقى كويس جدا 
ان شالله تسيئيها بالشرشوبة مبتخدش وقت والله بتخلص فى دقائق ومرة من ضمن المرات دول تروحى كابه فيها جردلين ماية 
وبالمساحة وفى الاخر تروحى منشفاها حببتى ورشة رش للحشرات الزاحفة فى الاركان وعالسور بس مش كله انا عندى برش 
عالسور اليمين والشمال وبرش كمان نحيه مدخل البلكونة من جوة ومن برة 
ومتنسيش لما تخلص تنشفيها كويس باى فوطة قديمة عندك عشان التنشيف اهم حاجة 

13- نيجى بقى للنقطة المهمة جدااااااااااااااااااااااا برضوا وهى بركة الميه اللى بلاقيها عند بعض ناس 
سواء فالحمام على طول بلاقى ارضيته مبلولة او حاولين الحوض سواء للحمام او للمطبخ 
لازم تنشفى كل ده لما تخلصى لان المية دى هى السبب الرئيسى للحشرات انا عقدتى ارضيه الحمام مبلولة هو 
وحاولين الحوض سواء بقى حوض مطيخ او حمام لازم اهم حاجة تنشفى وتلمعى وتطهرى وتدى ريحة حلوة فى الاخر 
باللوسيون ده سر تلميع وتطهير والريحة الحلوة بتاعى وبنشف بيه كمان 
( زجاجة رش+ خل ابيض + ديتول + داونى او اى زيت عطرى انا اشتريت زجاجة زيت عطرى من 
الراجل اللى ببيع الصابون السايب اشتريتها بريحه الياسمين وكانت 25 جنيه + تكملى بقيه الزجاجة ميه من الحنفيه )
وترجيها كويس وتستخدميها ترشى لما تخلصى وتمسحى باى فوطة نضيفة وزى الفل وتكون دى اخر خطوة 
ومتنسيش الارضيات كمان 


14- الشيش بيدل على نضافتك فشقتك لازم زى ما باب الشقه عنوان نضافتك لاى ضيف يجيلك بردك الشيش عنوان 
نضافتك للجيران لازم مرة فالاسبوع تشيلى التراب عليها باى فرشة 
وتمسحى الشيش بفوطة منديه ميه وتنشفيه او بالبليدج او الجاز او( زيت زيتون او زيت ذره+ خل ابيض + اى زيت عطرى )
ولو قدرتى وشلتيه مرة فالشهر وغسليته ونشفتيه كويس جداااااااااااااااا يبقى كتر خيرك 


15- الخلاطات ( الحنفيات) وبتكون ستانلس 

 

فى ناس عندها الحنفيات دى شكلها غير ظريف ومبتفكرش حتى تمشى عشليها الليفة 
سواء لخلاط المطبخ او للحمام 
وكمان بيكون عليها تكليسات من حروف الخلاط من تحتها وضهر الحنفيه اللى هى قصدى الحته اللى لازقه فالحوض 
بلازم تتغسل دى وتدعك بفرشة السنان 
ولو حنفيتك عليها تكليسات امسكى فوطة واغمسيها فالخل الابيض ولفى الحنفيه بيها واتركيها كام دقيقة 
وبعد كده ادعكيها كويس ونشفيها حترجع جديدة لان الخل مكون قوى فالتنظيف 
وبعد كده ان شاء الله حقولكم على خلطتى السريه فى تنظيف مواعينى وحمامى والخلطة دى هى السر اللى مخلينى ارفع راسى 
قدام حماتى وكمان مش حنسى يا بنات حله القلى اللى مدوخانة كلنا وبنشد شعرنا  منها هههههههههههههههه 

16- بواقى الاكل فالمطبخ لازم قبل ما تنامى تشوفى اى بواقى اكل فالمطبخ وترميها فالزباله وتغسلى المواعين 
وتروقى المطبخ بليل قبل ما تنامى ده لازم تعمليه انتى لان تانى يوم بيبقى لما تقومى وتشوفى المطبخ رايق ونضيف بيفتح
نفسك لشغل البيت 

17- عندك اطفال لازم بليل بعد ما يناموا وقبل ما تنامى انتى تمشى المكنسه ام كهربا عالشقه عالسريع كده 
لان لو فى اى بواقى تتشفط ومتعملش حشرات 


18- تحت البوتجاز 
للاسف بلاقى ناس عندهم تحت البوتجاز ايه الدهون الله ينور والبواقى الله ينور  
وبتحسى السيراميك ملزق وصعب جدا 
وبيصعب طبعا 
فتنضيفه لان الدهون مستعصيه لازم كل اسبوعين او 3 اسابيع تشيلى البوتجاز وتنضفى تحته وتسئى كويس جدا 
وتنشفى وترجعى البوتجاز تانى 
ولو عندك تحت البوتجاز الدهون مستعصيه رشى شوية ملح ليمون + كربوناتو + خل ابيض وسبيه كام دقيقة وامسكى 
السلكة الخشنه واديلو ادى اديلو ادى هههههههههه حيطلع على طول وتسيئى كويس وتنشفى وتعطرى فالاخر 



بس كده على فكرة كل الحاجات لو داومتى عليها حبيباتى حتدل 
انك نضيفة وزى الفل وغير كده مفيش حشرات جتشوفيها خالص فى شقتك نوهااااااااائى ان شاء الله 
ولو فى بيت عيلة مثلا زى حالاتى حترفعى راسك قدام حماتك وسلفتك 


اتمنى الموضوع يعجبكم وتكونوا استفدتم منه 

ولا تنسوا التقييييييييييييييييييييييم احسن تعبت فيه اووووووووووووووووووووووى والله 
ولا تنسوا الدعاء لى بظهر الغيب بان ربى يكرمنى ويرزقنى بالحمل السليم المعافى ويرزقنى 
بالذرية الصالحة السليمة المعافاه ويرزق زوجى ويوسع فرزقه ويجبهولى من السفر بألف سلامه ويحفظهولى ربى من كل شر 
ويقدر ياخدنى معاه فالسفر باذن الله 
عاجلا وليس اجلا امييييييييييييييييييييييييييييييييييييييين 

وباذن الله نتقابل بعد كده وكتييييييييييييييييييير فالقسم هنا حبايبى واقولكم على اسرار الاسرار لنضافة وتنظيم شقتك وتبقى 
جنه ليكى وفى نفس الوقت ولا بتتعبى فيها ولا حاجة ان شاء الله 
بحبكم فالله 
معاكم خبيرة التجميل بالوصفات الطبيعية وئام حسان

_________________



الرجوع الى أعلى الصفحة اذهب الى الأسفل
http://sunmoon.ahlamontada.com
شمس الشموس
مشرفة قسم
مشرفة قسم
avatar


الدولة : فلسطين
أوسمتى :

انثى
العقرب
عدد المساهمات : 290
نقاط : 2251
الأنجاز : 18
تاريخ التسجيل : 28/12/2014
العمر : 58
العمل/الترفيه : لا أعمل

مُساهمةموضوع: رد: خليكى نضيفة والنضافه بتشع من بيتك بحاجات صغيرة جدا. ومفيش حشرات نهائى وئومة جتلكم هنا   الخميس يناير 08, 2015 1:37 pm

مساء السعاده تسلم على هالمعلومات 
 الحلوة  والقيمة أخي إبراهيم 
 ودمت بخير



_________________
الرجوع الى أعلى الصفحة اذهب الى الأسفل
 
خليكى نضيفة والنضافه بتشع من بيتك بحاجات صغيرة جدا. ومفيش حشرات نهائى وئومة جتلكم هنا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حواديـــــــــــــــــــــت الســــــــــــــــــــطور :: حواديت السطور/// بنات@@@بنات :: الديكور والأثاث المنزلى-
انتقل الى: